ჩანდლერის კაკლის შესახებ

ჩანდლერი (Chandler) ჩვენი ყველაზე გაყიდვადი კაკლის ხის ჯიშია. ეს სახეობა, რომელიც თავდაპირველად კალიფორნიის უნივერსიტეტში გამოიყვანეს, ბოლო წლების განმავლობაში ახალი მეურნეობებისთვის ყველაზე სასურველი ჯიში გახდა, მისი მოსავლიანობისა და კაკლის შესანიშნავი ხარისხის გამო.

• მოსავლიანობა: ჩანდლერის ჯიში უხვი მოსავლიანობით გამოირჩევა. იგი ლატერალური მსხმოიარობის ჯიშებს განეკუთვნება და გვერდითა შტოების 90% მოსავლიანია, რაც სახეობის ზოგად მოსავლიანობას ზრდის. ნერგების დარგვიდან სამი წლის შემდეგ უკვე შესაძლებელია მოსავლის აღება. ქვემოთ პროდუქტიულობის ცხრილს გთავაზობთ, სადაც ასაკის მიხედვით შეგიძლიათ, განსაზღვროთ სავარაუდო მოსავლის რაოდენობა..
• კაკლისა და ნაჭუჭის ხარისხი: ჩანდლერის კაკალი დიდი ზომის ნაყოფს ისხამს, რომელსაც თხელი ნაჭუჭი და ღია შეფერილობის გული აქვს. ნაჭუჭის სისქე და ნიგოზის შეფერილობა ორი უმნიშვნელოვანესი ფაქტორია კაკლის გასაყიდი ფასის დასადგენად. როგორც წესი, კაკალს, რომლის გულს შედარებით ღია შეფერილობა აქვს, უფრო მაღალ ფასად ყიდიან. ასეთი კაკლის გატეხვა და ნაჭუჭისგან გასუფთავება ბევრად მარტივია.
• ხის ზომა: ჩანდლერი შედარებით სწრაფად იზრდება და მისი ღერო ოდნავ დახრილია. კარგად უძლებს მჭიდროდ გაშენებულ ბაღში, მაგალითად, 7X5 კვადრატული მეტრის ფართობზე, დარგვას. ქვემოთ გთავაზობთ ცხრილს ხის ნერგებს შორის მინიმალური სივრცის მოთხოვნების შესახებ საჭირო ინფორმაციით.
• ფოთლიანობის პერიოდი: ჩანდლერი იმ სახეობებს განეკუთვნება, რომელიც შედარებით გვიან ფოთლიანდება და ასევე გვიან ყვავილობს. გვიან დაფოთლვა ამ სახეობების უპირატესობაცაა, რადგან ასეთი მცენარეები შედარებით ნაკლებად ზიანდებიან ყინვით და უფრო მეტი რეზისტანტულობა გააჩნიათ კაკლის ბუგრისა და ვაშლის ნაყოფჭამიას მიმართ.
• დამტვერვა: ჩანდლერის კაკალი თვითდამტვერვით მრავლდება და ნაყოფის მიღება განსაკუთრებული ღონისძიებების გარეშეც შესაძლებელია, თუმცა, ხშირად, მოსავლიანობის გაზრდის მიზნით, იყენებენ დამამტვერიანებელს, მაგალითად, ფრანგული ფრანკეტი ხშირად გამოიყენება ჩანდლერის ხის დასამტვერიანებლად.
• მყნობა: კომპანია „უოლთრი“ სანამყენედ - ჩანდლერის კვირტს, ხოლო საძირედ იყენებს კაკლის სახეობას Juglans Regia (ცნობილია, „ინგლისური კაკლის“ სახელით), რომლის ფესვთა სისტემას უპირატესობას ანიჭებენ ალუბლის ფოთლის დახვევის ვირუსის მიმართ განსაკუთრებული გამძლეობის გამო.
• სიცოცხლის ხანგრძლივობა: ჩენდლერის კაკლის ხეები იგივეა ყველა კაკლის ხეებთან მიმართებაში, თუ რამდენ ხანს ცხოვრობენ. კაკლის ხეებს შეუძლიათ ცხოვრება 100 წელზე მეტი ხნის განმავლობაში.
• დარგვის პერიოდი: ჩანდლერის დარგვა შესაძლებელია ნოემბრიდან მომდევნო წლის აპრილის ჩათვლით, ზუსტი დრო დამოკიდებულია თქვენს ადგილმდებარეობაზე. მოგვმართეთ კითხვით, თუ დარწმუნებული არ ხართ, როდის შეუდგეთ დანერგვას.